كلام …. الميت ميت !

كلام عالوتر .

بقلم / د. زينة جرادي

                         كلام الميت….. ميت

                       في شي طالع من حالي لحالي ..

مني عارفة ..

                           خيال او صوت او ضمير غافي ..

وعطر زمن بعدو معلق بذاكرتي ..

                               ومد بحر لا شاكي ولا عتبان ..

سألت حالي  لحالي ..

                              شو بيبقى من الذكريات ؟؟

من خريف الاشيا اللي عايشة جواتنا..

                       من الدروب   يللي ضايعة بين اصابعنا ..

اللي بيبقى حالنا وهاك الصوت الغميق ..

                                          المتربع ع حقل ايامنا ..

التاكي بهمسو جواتنا ..

                            ما بعرف ليش كلما دق الفجر بابي ..

وابتدى نهار جديد بحياتي ..

                        بحس الطريق صارت قصيرة ..

السما بالف لون ولون ملونة ..

                                   بلمح برفة عين وجوهن ..

من ورا الغيم الابيض ..

                              عم بينادهولي الوقت عجل ..

ما بقى ترفع ايدك وتلوح ..

                                       كلام الميت….ميت .

عن mcgd

شاهد أيضاً

    همس العناق .

كلام عالوتر . بقلم / زينة جرادي . (من مجموعة / بقايا امرأة )               …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *