camera مقال .
بقلم / ابو نادر .
في ليلة فرحك يا نادر ولدت ابوتي من جديد .
لو سألني القدر بيوم عن احلى لحظة بحياتي …
للملمت الكلام كلو وقلتلو يوم شفتك ببذلة العرس …
لو سألني عمري عن سنينو لقلتلو :
احلى يوم اللي شفتو فيه طل مع عروستو …
يا مهجة قلبي انا بليلة عرسك ولدت ابوتي من جديد …كرجت الدمعة بلا ما تقللي ليش ؟؟ شفت السما ملونة بابتسامتك … غنى قلبي بصمت وقللي :
نادر صار عريس يا ابو نادر …بكرا بيصير اب متلك …
سرقني العمر يا بيي …تكيت احلامي ع كتفو … ربي يوفقك … يسعدك … يعطيك ايام حلوة …ولو ختيرت الافكار ما تنسى في قلب ناطرك ورباك وعلمك …في قلب كل نبضة من نبضاتو بتقلك اهلا …
يا عمري اللي ابتدى بعمر جديد يوم فرحك .
بييك ابو نادر
