mcgd ثقافيات
خواطر شاعر
يكتبها / مروان حبوس
الك …احلى الكلام .
صورتك ببالي رسمة فنان مسيجي بورد وزيني
الليالي فيكِ حلمان خوفي الصبح يوعيني
تعرفت عليكِ من زمان ببسمة حلوة صبحتيني
بصف من الحلوين مليان وحدك انتِ عجبتيني
سبت واحد ببقى دبلان والتنين بروحك تحييني
صرت استعبد ملوك الجان لتمرقي من صوبي وتلمحيني
حاكيتك وقلبي خوفان وصداقتنا صارت متيني
تركتك بس مش رضيان خايف انك تنسيني
عرفت حالي ببعادي غلطان بغيابك روحي حزيني
راجعلك بعزم وايمان تجيبك لعندي يا تقبريني
نعيش ببيت حيطانو مرجان وبالحب اغمرك وتغمريني
يا حلوي انا فيكِ ولهان وعا قد ما بحبك حبيني
